Ek Galat Fehmi

Vo humein samajhte hain, ye galat fehmi thi humein

apni hi khushgawar duniya mein ji rahe the hum.

Apno ke liye to bahut ladte rahe vo humse

aaj gairon ko bhi humse zyada samajhte hain wo.

Kehte hain ki samajhte hain humein,

bus hum hi nahin bayan karte apne dil ka  haal.

Aur jab spasht lafzon se dil ka haal zahir kiya humne,

kehte kuch nahin kehne ko hai unke paas.

Ab isko unka guroor samjhe hum,

ya samjhe isko gairon ke liye unke dil ka dard.

Par kaise samjhein isko hum

ki vo samjhte hain humare dil ka haal?

Vo humein samjhenge kabhi na kabhi,

shayad humare chale jaane ke baad.

Issi galat fehmi ke saath aaj bhi ji rahe hain hum, 

ek ummeed ek bekarari ke saath.

(PS: the image is not owned by me, in case you own it and wish to take it down please drop me a mail)

Chaand

Raat bhar chaand se batein ki humnein.

Kuch uski suni kuch apni bayaan ki humnein

Hazaaron taron ke beech tanha tha chaand.

Zindagi ki raah par,

kuch humari hi tarah, akela tha chaand.

Sardi ki raat mein apne dilon ka haal bataya,

humari halat dekh, bahut roya tha chaand.

Chaand ne kaha saath dega humara, 

din bhar na sahi,

raat ko gale lagakar, dard humara kum karega chaand.

Iraade to nek the chaand ke, apne dil ka raazgar banana 

chahta tha chaand.

Par kismat kahan thi humari ki uska saath milta,

Kabhi poonam sa poora, kabhi aadha adhoora,

Grehan lag gaya, chhipp gaya tha chaand.

Hum baithe rahe sardi ki ek aur raat mein, 

dhoondne khoye un lamhon ko phir ek baar.

Hum bhi chhipp jayenge yun hi,

Baithega humari umeed liye phir chaand.



PS: I do not own this image. If this belongs to you and you would like me to take it down please contact me via email.